কি দিওঁ তোমাক কি দিলে ভাল পাবা...
তুমি ভালপোৱা উম ,
দিলো মৰমৰ এটি চুমা ,
তুমি দেখোন লাজতেই ঘামি গ'লা
কি দিওঁ তোমাক কি দিলে ভাল পাবা ।
তুমি ভালপোৱা মৰম,
এটা দীঘলীয়া যাত্ৰা ,
দুহাতত হাত থৈয়ে যে গৈ আছিলো সিদিনা ,
অসীমত যাৰ হেৰাল সীমা,
তথাপিও কিবা আৰু অলপ বিচাৰিলা,
কি দিওঁ তোমাক কি দিলে ভাল পাবা ।
কবিতা ভালপোৱা !
আঁকি দিলো হীৰুদাক তোমাৰ কপালতেই ,
ফুলত কৈ কাঁইট কোনোদিনে ভাল নহয় ,
তাতো তুমি আপচোচ কৰা ।
কি দিওঁ তোমাক...
কোৱা
যি ভালপোৱা তাকেই কৈ দিয়া ,
য'তেই ভালপোৱা তাতেই ৰৈ দিয়া,
তোমাৰ ৰূপত যে সমগ্ৰ পৃথিৱী ঘূণীয়া,
ভাল পোৱাৰ এই ৰোগত বিশ্ব ব্ৰহ্মাণ্ডই ৰুগীয়া ।
কি দিওঁ তোমাক কি দিলে ভাল পাবা,
সময় হলে জনাবা,
তোমাৰ ভাল লগা তালিকাখন ,
মনত জুকিয়াই ,
বিচাৰি যাম উজাই ভটিয়াই ,
মাত্ৰ জাবৰৰ দৰে নিলগত দলিয়াই নিদিবা ,
এতিয়াই কৈ থলো মই ,
কোনো দিন
কিবা কাৰণত
একেবাৰে আঁতৰাই পঠিওৱাৰো মন যদি যায়,
মাত্ৰ
এবাৰ মাথোঁ এটা সুযোগ দিবা ,
তোমাক সুখী কৰাৰ হেঁপাহক আওকান নকৰি
এবাৰলৈ ক'বা,
সুখী হৈ সদায় এনেকৈ থাকিবলৈ
কি দিওঁ তোমাক কি দিলে ভাল পাবা ...!!
✍প্ৰাণজিৎ বৰুৱা
২৫ জুলাই ২০১৬
