স্বৰবৰ্ণৰ পদ্য
অ নামেৰে অসম ৰাজ্য ,
সেউজ পৰিৱেশ,
আ মানে আমি বাস কৰোঁ
আনন্দৰ সমাৱেশ ।
ই নামেৰে ইংলেণ্ড দেশ ,
ভাষা যাৰ ইংৰাজী ,
ঈ মানে ঈগল চৰাই ,
চৰাই ই চিকাৰী ।
উ নামেৰে জন্তু উট ,
হয় মৰুভূমিৰ জাহাজ ,
ঊ মানে ঊণ সূতাৰে ,
তৈয়াৰ কৰো উমাল সাজ ।
ঋ নামেৰে ঋণ ,
অৰ্থ যাৰ ধাৰে লোৱা ,
এ নামেৰে এৰি পলু ,
কাম তাৰ এৰাপাত খোৱা ।
ঐ নামেৰে ঐৰাৱত,
ইন্দ্ৰৰ বাহন হাতী,
ও নামেৰে ওলকবি ,
দেউতাই কৰে খেতি ।
ঔ নামেৰে ঔ টেঙা ,
আঞ্জাত দি খাওঁ ।
স্বৰবৰ্ণৰ এই পদ্য
আমি বাৰে বাৰে আওৰাওঁ ।
প্ৰাণজিৎ বৰুৱা
১৮ মাৰ্চ ২০১৯