স্নেপছট
(১)
তিনিটা লৰা বয়স খুউব বেছি দহ বছৰ ,
মোৰ কেমেৰাই ঢুকি পোৱা দুৰত্বত অৱস্থান ,
তিনিওটাৰ মুখত তিনি ডাল বিড়ি ধোঁৱা উৰুৱাৰ উৎসাহ ।
আস !
এনে এটা
শৈশৱ দেখোন মোৰ বাবে কল্পনাৰো অগোচৰ ,
আপোনা আপুনি উলাই আহিল
এটা তপত হুমুনিয়াহ ।
(২)
শ্ৰেণী কোঠাত ২৫ জন লৰা ছোৱালী ,
সকলোৰে দুভৰি খালী ,
এযোৰ চেণ্ডল সিহঁতৰ ভাগ্যত নাই ,
ঘৰত ভতিজাৰ ফৰমাইছ ,
স্কুলত ফ্ৰাই দে চেটাৰ দেৰ বাবে হোৱাইট শ্বু আৰু এযোৰ লাগে ...
নাই
একেখন পৃথিৱীতে একে দৰে জীয়াই থকাৰ
সমতাৰ অধিকাৰ সকলোৰে নাই ।
(৩)
ৰাস্তাত দুটা কেঁচুৱা ।
এটাই খোজ কাঢ়িছে যেনেতেনে ।
এটাই চুচৰিব পৰাই নাই ।
খোজ কঢ়াটোৱে কেকাই গেঠাই ইটোক কোচত লৈ নিচুকাই ।
মাকে কাম বিচাৰি যায় ,
দেউতাকে জুৱা খেলিবলৈ ।
জন্ম দিব পাৰিলে বুলিয়েই জানো এনেকৈ জন্ম দিয়াৰ অধিকাৰ আপোনাৰ ।
নিৰক্ষৰতাত ডুবা জন বিষ্ফোৰণত কোঙা অসমৰ বস্তি বস্তি গলি গলিয়ে ছোমালীয়া সদৃশ এনে দুৰ্ভিক্ষতাত সকলো অসহায় ।
প্ৰাণজিৎ বৰুৱা
২৪/০২/২০১৬
