আবেলিৰ খেলি মেলি পংক্তি ...

আবেলিৰ খেলি মেলি পংক্তি ...

(১)
আবেলি বোৰ আবেলি হৈ নাথাকে ,

যেতিয়া আপুনি থাকে,

আবেলি বোৰ খেলি মেলি হৈ পৰে ।

(২)
খেলিমেলি আবেলি বোৰত
ভাল লগা বাৰু  কি?

আপুনি আছে ,
কাষত...

আৰু বেলেগে সুধিবলৈ থাকিল কি বাকী ?

(৩)

আবেলিৰ  ৰান্ধনী বেলি,
ঘৰ মুখী পখী,
ডাৱৰে ঢকা পাহাৰ ,

এই আবেলিটোৰ কি আটাইতকৈ প্ৰিয় ??

নুবুজিলো ,
আপুনি ওচৰত থাকোঁতেনো বাৰু

এই প্ৰশ্ন পুনঃ কিয় ?

(৪)

গান এটা  শুনোৱাৰ কথা আছিল আপুনি  ।

কি গান গালে , নাগালে,
নুশুনিলো ,
মনো  নিদিলো...

অৱশ্যে
আপুনি কৈ গল অনৰ্গল কিছু কথা ,

গোটেই আবেলিটো
আপোনাৰ মুখলৈ ৰ লাগি চালো !

অনামী সুৰ এটাত ঠিকেই    ডুব গলোঁ ।

(৫)

কাজল খিনি ডাঠ আছিল  নেকি বাৰু
আপোনাৰ আজি ,

নাছিল ?

তেন্তে
আবেলিৰ  ঢেৰেকনী নোহোৱাকৈ
চকা মকা বিজুলী জাকে

কৰপৰা মোৰ চকুত আহি   বিন্ধিছিল ? ,

(৬)

আবেলি বোৰ আবেলি হৈ নাথাকে
যেতিয়া আপুনি থাকে
আবেলি বোৰ খেলি মেলি হৈ পৰে ।

চাওক চোন ,
আপুনি আছিল বাবেই আজি কৰপৰা
আবেলিটো তিয়াই দিলেহি বৰষুণ জাকে ।

খেলি মেলি বৰষুণ জাকক
খেদি নপঠিয়ালো দিয়ক  ।

ক'ৰবাত সেয়া বাজি উঠিছে শুনক । 
আবতৰীয়া প্ৰণয়ৰে বানে তিয়ালেহি মোৰ চকুৰে পতা  ।

হা হা চাৰিওফালে

খেলি মেলি ,
খেলি মেলি ...।

প্ৰাণজিৎ বৰুৱা
২৪/৯/১৬

ভাল কামবোৰ কৰি যোৱা ,

ভাল কামবোৰ কৰি যোৱা ,
আনে সন্মান কৰক নকৰক কোনো কথা নাই,
মনত ৰাখিবা সূৰ্য তেতিয়াও উদয় হয় ,
যেতিয়া হাজাৰ মানুহ শোৱা পাটিতেই থাকে ।

কোৱা হয় ফুল বেছা মানুহৰ দুহাততো সুগন্ধি লাগি থাকে ,
তেনেকৈ ভাল কাম কৰা মানুহবোৰ সদায়েই জিলিকি থাকে ।

আপুনি আপোনাক  বেয়া পোৱা মানুহ বোৰক হিচাপ কৰি সময় নষ্ট কিয় কৰে ,
জানে এই জীৱনটো বহুত ছুটি ,
অনৰ্থক কথাবোৰ চিন্তা কৰি সময় শেষ কৰাটোৱে  আপোনাৰ মুৰ্খামিৰ হে পৰিচয় দিয়ে ।

কোনোবাই আপোনাক বেয়াকৈ কলে তাক বেয়া পায় নাথাকিব ,
পাৰিলে আপোনাক বেয়াকৈ কিয় কলে তাৰ হে পৰ্যালোচনা কৰক ।

আপোনাক গালি পাৰি থকা মানুহজনক যেতিয়ালৈকে আপুনি প্ৰত্যাক্ৰমণ নকৰে কথাৰে,
তেতিয়ালৈকে আপোনাৰ হৈ উত্তৰ বোৰ ভগৱানে দি থাকে ।

কোনোবাই যদি আপোনাক উপলুঙা কৰি তেওঁ খোৱা চকলেটৰ বাকলি টো দিয়ে,
আপুনি হাঁহি মুখেৰে তেওঁক এটা নতুন চকলেট উপহাৰ দিয়ক ।
এবাৰ কৰি চাওক
তেওঁৰ যদি আত্ম সন্মান আছে তেওঁ আত্ম গ্লানিত  ঠিকেই ভুগিব ।

অহিংস নীতিৰ এইটোৱেই শক্তি ☺

আপুনি দিনটোৰ আৰম্ভণিতে এই সংকল্প আওৰাওক ।

ভগৱানে মোক এই জীৱনটো উপহাৰ দিছে কিবা এটা ভাল কৰিবলৈ  ,
মই আজি কাৰো অপকাৰ হোৱা একো কামেই নকৰোঁ ,
মই আনৰ জীৱনৰ লগত নিজকে তুলনা কৰি দুখী নহওঁ,
মই সুখী আৰু এই সুখ মই আত্মাৰ পৰা উপলব্ধি কৰিছো ।
মোৰ ভাল চিন্তা কৰা সকলো শুভাকাংক্ষীৰ প্ৰতি মই কৃতজ্ঞতা জনালো আৰু বেয়া ভৱা সকলকো ক্ষমা কৰি দিলো ।
সকলোৰে

ভাল হওক ভাল হওক ভাল হওক ...!!!

✍ প্ৰাণজিৎ বৰুৱা
(প্ৰশাসক ) ভাল কথা সুস্থ চিন্তা positive thinking পৃষ্ঠা ।

ভাল পালে শ্বেয়াৰ কৰক ☺

পুৰুষ

পুৰুষ

প্ৰতিজন পুৰুষৰে থাকে বলে নোৱাৰা কিছু দুখ ।
থাকে কিছু হৃদয়ৰ অসুখ ।
যাৰ বাবে কেতিয়াবা জীৱনতকৈ
মদ  ভাল পাই পেলাই তেওঁলোকে  ।
সেয়া তেওঁলোকে নিচা নাখায় ।
নিজকে পাহৰাই
দুখ বোৰ গিলি পেলাই ।

(তেওঁলোক পলায়ন বাদী )

তেনেকৈ আৰু কিছুমান  পুৰুষৰ থাকে কিছু দুখ,
থাকে বহুতো মনৰ অসুখ ।
তথাপি ভাগি নপৰে
সেইবোৰ তেওঁলোকে গুপুতেই ৰাখি থব খোজে ।
আনৰ সহানুভূতি বিচাৰি ভাল নোপোৱা সেইচাম পুৰুষে
জীৱনটো অকলেই যুঁজে ।
কামেৰে সংগ্ৰামেৰে 
জীৱনৰ অৰ্থ বুজে ।

(এই ধৰক আমাৰ দেউতা...! )

পুৰুষ বোৰ যথেষ্ট শক্তিশালী ,
তথাপি তেওঁলোক দুৰ্বল
নাৰীৰ ওচৰত ।

পুৰুষ বোৰ যথেষ্ট কঠোৰ ,
তথাপি তেওঁলোক সংবেদনশীল
চকুলোবোৰৰ ওচৰত ।

কথা এটা জানে এই সৃষ্টিৰ আঁৰত মহিলাৰ লগতে পুৰুষৰো সমানেই হাত আছে ।

কৰবাত পঢ়িছিলো

"আমাৰ বৰ্তমান এই সভ্যতা সংস্কৃতিৰ বিকাশ ঘটিছিল কেৱল মাত্ৰ পুৰুষে নাৰীৰ মনোযোগ আকৰ্ষণ কৰাৰ দুৰ্বাৰ হেঁপাহৰ বাবেই । "

প্ৰাণজিৎ বৰুৱা
১৫জুলাই ২০১৬

দুটা বিষ্ফোৰক

দুটা বিষ্ফোৰক
(১)গুলী...

বাছ ষ্টেন্দত ৰৈ থাকোঁতেই
চকুৰ সন্মুখেদি সেউজীয়া কুৰ্টা এযোৰ পাৰ হৈ গ'ল,
এবাৰ ,মাত্ৰ এবাৰ  চালে বেঁকাকৈ মোলৈ মূৰ তুলি
আৰু তেতিয়াই ,
কিয় নাজানোঁ  ক'ব নোৱাৰাকৈ ওলাই আহিল মুখেৰে শব্দটো ,

গুলী !

(২)ব'ম ...

ওখ হিল যোৰ পিন্ধি ,
তাই চুইফ্ট খনৰ দ্ৰাইভিং চিটৰ পৰা নামি ,
ৰাষ্টাত ভৰি দিছিল  ,
আৰু মোৰ ফালেই যেতিয়া চান গ্লাছ যোৰ খুলি হাঁহিটো মাৰিছিল ,

আস ! মই কি কম ,
মই কিবা কোৱাৰ আগেয়েই দেখোন
লগৰটোৱেই কৈ পেলাইছিল ,

ঐ চা
ব'ম হয়  ব'ম ...!

বি: দ্ৰ: দুয়োটা বিষ্ফোৰক ভয়ংকৰ সুন্দৰ আছিল,
আৰু এনেকৈ আমাৰ দৰেই বহুতো পুৰুষ বহুত বাৰ
আহত, নিহত ,হতাহত হৈছিল ❤❤❤

✍ প্ৰাণজিৎ বৰুৱা
৯৭০৬১২৯৩৬৯
৩১/১০/২০১৬

প্ৰাণজিৎ যিদিনা সুখী হৈ পৰে ...

প্ৰাণজিৎ যিদিনা সুখী হৈ পৰে ...

এই পৃথিৱীত নোপোৱাৰ গানেই
বেছিকৈ বাজি আছে,
তাৰ মাজতেই আপুনি বিচাৰি লওঁক সেইজনক ,
যি জনে প্ৰাপ্তিৰ সুবাস বিলাই  থাকে  ।
প্ৰানজিতে এনেকৈয়ে  ভাবে...

ইতিবাচক মনৰ মানুহ হেনো খুউব কম,
যদি আপোনাৰ জীৱনত তেনে কোনো আছে তেওঁক হেৰুৱাই নেপেলাব  ।

নাই, নাই, নাই কিমান আৰু ক'ব ,
মাজে মাজে পোৱা বোৰৰ কথাও আওঁৰাব ।

এই কথাটোকে মনত ৰাখি
কেতিয়াবা প্ৰানজিতেও  আঁওৰাই...
  আৰু জানে ?
সেইদিনাই  প্ৰাণজিৎ   !

প্ৰাণজিৎ  ভীষণ ইতিবাচক হৈ পৰে ,
গম নোপোৱাকৈ সি  সেইদিনা খুউব সুখী হৈ পৰে...!!

✍প্ৰাণজিৎ বৰুৱা
৭/১১/১৬

প্ৰাণজিৎ তোমাৰ প্ৰেমত "

"প্ৰাণজিৎ তোমাৰ প্ৰেমত  "

যিদিনা তুমি সুখেৰে থাকা
সেইদিনা প্ৰাণজিৎ টোপনি যায়  ।

যিদিনা তুমি হাঁহি থাকা
সেইদিনা প্ৰাণজিতে সপোন দেখে  ,
এটা ধুনীয়া সপোন  ।

কিন্তু  যিদিনাই তুমি দুখী হোৱা
সেইদিনা, প্ৰাণজিৎ ক'ৰবাত হেৰাই যায় ।

নিজৰেই অগোচৰে
ক'ৰবাত নিজানত ।

এতিয়া   কথাটো গুৰুতৰ    ,

প্ৰাণজিতক শুবলৈ দিয়া ,
সপোন দেখুওৱা ,
অথবা ক'ৰবাত হেৰাই যাবলৈ দিয়া
এই সকলোবোৰ  তোমাৰ হাতত ।

তুমি  যি ভাল দেখা তাকেই কৰা,
কিন্তু অলপমান ভাবিলৈ ,

যিহেতু
দেহাটো ইয়াতে লৈ ,
মনটো তোমাৰ তাত থৈ ,

এতিয়া ,
এতিয়া যে প্ৰাণজিৎ প্ৰেমত,
প্ৰাণজিৎ তোমাৰ প্ৰেমত !!

(বি:দ্ৰ : তুমি দুখী নহ'বা কেতিয়াও,
প্ৰাণজিতে সকলো সহিব পাৰে
কিন্তু তুমি দুখী হোৱাটো  সি চাই ৰ'ব নোৱাৰে !)
✍ প্ৰাণজিৎ বৰুৱা
৭/১১/২০১৬