গণিত ভীতি জীৱন প্ৰীতি ...
যোগ কৰি ভালপোৱা লৰাটোক যেতিয়া
বিয়োগ কৰিবলৈ বাধ্য কৰি দিয়া হয় ,
তেতিয়াই তাৰ মানসিক ভাবে বৰ সংশয় হয় ।
শিকিব লাগিব বুলি,
কথা এটা থাকিলেও
হেৰুৱাব লাগিব বুলি জনাৰ পিছতেই
তাৰ
সেই আঁতৰাই পঠিওৱাৰ বেদনাতে গণিতৰ প্ৰতি
বৰ ভীতি ওপজে ।
সি সহজ হলেও জীৱনত আৰু
গণিতক পুনৰবাৰ ভাল পাব নুখুজে ।
নকব ,
নিশিকাব তাক দুইৰ এক এক গলে থাকিল এক ,
(সি নিসংগ হৈ পৰিব )
তাক কওক ,
একে একে দুই ,
দুইয়ে একে তিনি...
সি গণিত ভাল পাব ,
সি জীৱনক ভালপাব ,
প্ৰাপ্তিৰে সকলো সজাব ,
সি
সুখী হব ,
হওক সুখী হওক ।
তাৰ গণিত ভীতি শেষ হব ,
জীৱন প্ৰীতি আৰম্ভ হব...!
প্ৰাণজিৎ বৰুৱা
৯/২/১৬
No comments :
Post a Comment