(১)
মাক দেউতাকৰ মনত সন্তান ,
আৰু ফেন সকলৰ মনত চলমান,
হাজাৰ ভুল কৰিলেও মৰমৰ জান/ ভাইজান ।
(২)
ফেচবুকত চেনী,
ইন্টাৰনেটত চানি,
আৰু অসমত বানপানী ,
খুউব চৰ্চিত কাহিনী ।
(৩)
দাঁত নথকা বোৰক শুলি,
আৰু
ফেচবুক একাউন্ট নথকা বোৰক
কামিলা ছোৱালী বোলে ।
(৪)
ইংৰাজী ৩০ দিনত শিকা বস্তু নহয়,
তাৰ বাবে অসমীয়াৰ এটা "কোৱাৰ্টাৰেই" যথেষ্ট ।
(৫)
স্মাৰ্ট ফোনৰ বেটাৰী,
আৰু ব্যৱহাৰ নোহোৱা কটাৰী ,
দুয়োটাই তেনেই অদৰকাৰী ।
(৬)
গৰমৰ দিনত ঘামৰ গন্ধ,
আৰু
ফুৰিবলৈ ওলাওঁতেই দিয়া অসম বন্ধ ,
বৰ বিৰক্তিকৰ ।
(৭)
প্ৰেম,
টকা সময় খৰচ হোৱা এক প্ৰকাৰৰ গেম ।
প্ৰেমে নুবুজে অনুভূতি বিচাৰে
ভাল চাকৰি নেম আৰু ফেম ।
(৮)
সন্মুখত সুস্বাদু খাদ্য দেখিলে লোভৰ পানী,
আৰু
তাকে পাই লৈ অতিমাত্ৰ খাই দিলে হাগনী ,
হোৱাটো তেনেই স্বাভাৱিক কাহিনী ।
(৯)
ছোৱালী দেখিলেই ভাল পাওঁ পাওঁ,
আৰু মিঠাই দেখিলেই খাওঁ খাওঁ ...
কৰি থকা মানুহবোৰৰে চুগাৰ বেছি যেন পাওঁ ।
(১০)
ফেচবুকত লাইক আৰু হাই ৱেত বাইক...
ফুল স্পীদত দিয়াৰ ক্ষেত্রত লৰাক পিছ পেলাব কেতিয়াও নোৱাৰি !
(১১)
কৰবালৈ যোৱাৰ আগতে মেক আপ,
আৰু ভাল দৰাৰ পোৱাৰ পিছত ব্ৰেক আপ,
কৰাৰ পৰা কোনো ছোৱালীকে আঁতৰাই ৰাখিব নোৱাৰি ।
(বাঁক )
প্ৰাণজিৎ বৰুৱা
২৯ জুন ২০১৫
No comments :
Post a Comment