মোৰ প্ৰিয়...

মোৰ প্ৰিয়...

মোৰ প্ৰিয় বস্তুবোৰৰ কথা যদি সোধা যায় তেন্তে প্ৰথমেই কৈ ভাল পাম খোৱা বস্তুৰ কথা ।
কাৰণ কি বুলি নুসুধিব । মোৰ ফিগাৰ দেখিলেই বুজি পাব  । বাৰু প্ৰথম কথা মই সকলো বস্তু বিশেষকৈ সোৱাদ থকা সকলোৰে কম বেছি সোৱাদ লৈ ভাল পাওঁ । মানে লুটুৰা স্বভাৱৰ বুলি ক'লে যদিও বেয়া পাম পেটে পেটে, তথাপি বিনা প্ৰতিবাদে মানি লম ।
আছলতে মোক যদি কোনোবাই সুধে তুমি জীবৰ বাবে খাইছা নে খাবৰ বাবে জীয়াই আছা । তেন্তে বিনা সংকোচে দ্বিতীয়টোৰ কথাই কম । কাৰণ মোৰ এইম ইন লাইফেই হৈছে পেট ভৰাই খোৱা আৰু ৰাতিপুৱা দেৰিলৈকে শোৱা । এতিয়া চাগৈ ভাবিছে আপুনি  এইটো বৰ খকুৱা ... যদি ভাবিছে ভাল কথা যদি নাই ভৱা মোক কেইদিনমান থকাকৈ নিমন্ত্ৰণ দি চাব পাৰে (বিশ্বাস হবৰ কাৰণে ! ) । বাৰু যি কি নহওক মই খাই ভালপোৱা বস্তু কিছুমানৰ কথা ক'বলৈ ওলাইছো  যি বোৰ হয়তো মোৰ দৰে বহুতেই খাই ভাল পায় আৰু বহুতেই হয়তো মোৰ দৰেই ৰান্ধি খাব নিজে নোৱাৰি,
আনৰ মুখলৈ বাট চাই...!

মই খাই ভালপাওঁ

মই ভালপাওঁ ফলৰ ভিতৰত আম  কল কমলা,
নাচপতি আনাৰস নাৰিকল আদিও বেয়া নাপাওঁ হবলা,

এনেই ৰাতিপুৱা শুই উঠি যদি পাওঁ ফুলা লুচি,
দিনটোলৈ মনটো মোৰ হৈ যায় একেবাৰে  খুচি ,

আগতে সৰুতে মাই পুৱাতে বনাইছিল ভুৰুকীয়া পিঠা,
একেবাৰে খাই খাই লাগিছিল বিৰাট নতা,

এনেই মই গাখীৰ চাহহে খাই অলপ বেছি  ভাল পাওঁ,
পিছে চাহ খাওঁতে চাহৰ লগৰ প্লেটৰ বস্তুবোৰহে কিন্তু  মনোযোগেৰে চাওঁ,

চাহ কাপ টো এক বাহানা,
আছলতে
লগত দিয়া মিঠাই ভূজিয়াৰহে মই একেবাৰে  দিৱানা,

ভাতৰ লগত মাছ মাংস প্ৰায় মোক লাগেই,
নহলেও অন্ততঃ কুকুৰা কণী এটা প্ৰায় থাকেই,

সুতৰা জিলমিল ঔটেঙা আদিৰে ৰন্ধা মাছৰ
টেঙা আঞ্জা মোৰ প্ৰিয়,
নুশুধিবই দালিত দিয়া কঠাল গুটিৰে সৈতে ভাত সাঁজ চুচি বাচি খাওঁ কিয়,

বাদাম , ৰঙালাউ গুটি আৰু সৰু মাছ  দেই যোৱাই ভজা,
আটাইবোৰ টকালি পাৰি খাওঁ লাগে যে বিৰাট মজা,

গৰমৰ বতৰত সকলোতকৈ নেমুৰ চৰবত লাগে ভাল,
থেকেৰা দিয়া পানী খালে যে পেটৰ নহয় একো জঞ্জাল ।

আৰু ভাল পাওঁ হোটেলৰ চাও মিন , চিলি  চিকেন ফুচকা আদি খাই,
সেইবোৰ খালে বোলে পেটতো আৰু ডাঙৰ কৈ ওলাই...

বাৰু অতপৰে ইমানবোৰ কলো মোৰ প্ৰিয় খানাৰ কথা,
এতিয়া যদি কোনেও নুখুওৱাই মোক মাতি এসাঁজ লাগিব বহুত বেথা ,

...((ভূপেন্দ্ৰ সংগীতৰ সুৰত ...
(আছলতে খাই ভাল পাওঁ মই,
কৈ ভাল পাওঁ মই ,
বাই ভনী দাদা বাইদেউ
বন্ধু 
সকলোৱে এদিন এদিন মোক নিমন্ত্ৰণ দিলেই হয় । ))

সমাপ্ত

প্ৰাণজিৎ বৰুৱা
১৪ জুলাই ২০১৫

....
মনে মনে ... ১৮+
....
...
এটা বস্তুৰ কথা প্ৰায়েই শুনি থাকো ডেকা গাভৰুৱে বোলে  খাই,
নাকত নাক লাগি যোৱাৰ কনফিউজন দুৰ কৰাৰ সেইবিধহে মই এতিয়াও  খাই  পোৱা নাই ,
হাই মোৰ ফুটা কপাল
আছো আৰু তোকে ধিয়াই ...!