সৰাপাতৰ চহৰত
এদিন আহিবা ...
সৰাপাতৰ চহৰত
এদিন আহিবা ,
তোমাৰ পৰশ পাই ভাল লগাৰ বৰষুণ সৰিব,
সৰাপাতৰ চহৰ তোমাৰ আগমনত সেউজীয়া হব...
বাট চাই আছে সৰাপাতবোৰ তোমাৰ দুভৰিৰ গচক পাবলৈ,
সৰাপাত বোৰ ৰৈ আছে তোমাৰ দুহাতৰ পৰশ পাই উষ্ম হবলৈ...
সৰা পাতৰ বিষণ্ণ নগৰীত তোমাৰ চঞ্চলা হাঁহিটো মাৰি উন্মনা কৰিবলৈ আহিবা ...
আহিবা...
আহিবাচোন
জানানে
তুমি আহি মোৰ হৃদয়ৰ
বিশ্বাসঘাতকটাৰ
সৰাপাত বোৰ মোহাৰি নিনিয়ালৈকে ,
এই চহৰখনত কেতিয়াও নুফুলে ভালপোৱাৰ ৰক্তজবা ...
সেয়ে কৈছো সময় মিলাই আহিবা কেতিয়াবা ,
সৰাপাতৰ চহৰ খনত সেউজীয়া কুঁহিপাত ওলালে
তুমিওটো চাগৈ বেয়া নোপোৱা... !!
#প্ৰাণজিৎ বৰুৱা
২১ এপ্ৰিল ২০১৪
No comments :
Post a Comment