অকণমানি ছোৱালী ...
থুপুক থাপাক খোজ ,
থুনুক থানাক মাত ...
অকণমানি ছোৱালী জনী দেখিলে কলিজা পৰে শাঁত ...!
পখিলা পখিলা ফ্ৰক এটি,
আলসুৱা ছুলি একোচাৰে,
অকণমানি ছোৱালী জনী বায়ু বেগে দৌৰ মাৰে ...!
তাইৰ খোজত শেৱালি সৰে,
মাতত ফুলে জবা...
অকণমানি ছোৱালী তাই আলফুলে যতন লবা ...!
অকণমানি ছোৱালী ,
আলসুৱা থুনুকা,
কপালত তাইৰ কাজলৰ জোন এটা আছে অঁকা...!
অকণমানি ছোৱালী জনী ,
লহ পহকৈ বাঢ়ে,
পুৱা গধূলি তাই খিল খিলাই হাঁহে ...!
অকণমানি ছোৱালী জনী
সকলোৰে নয়নৰ মণি ,
সকলোৱে বিচাৰে তাই হৈ থাকক সদায়েই যেন অকণমানি .!!
ক্ৰমশঃ
আচলতে অকণমানি ছোৱালী জনী ডাঙৰ হলে ,
চাৰিওফালে কিছুমান ৰাং কুকুৰৰ চকুত জুই জ্বলে ,
অকণমানি ছোৱালী সদায় অকণমানি হৈ থাকিবলে সেয়ে সকলোৱে কামনা কৰে ।
--প্ৰাণজিৎ বৰুৱা
১৭/১০/১৫
No comments :
Post a Comment