সৰিছে সৰিছে সেইয়া বৰষুণ সৰিছে,

সৰিছে সৰিছে সেইয়া বৰষুণ সৰিছে,

দুখীয়াৰ খেতিৰ বৰষুণ,
প্ৰেমিকৰ ভালপোৱাৰ প্ৰথমজাক বৰষুণ,
ধনীৰ জলা দি মাংস খোৱাৰ বৰষুণ,
কেচুৱাৰ কাগজৰ নাওঁ বনোৱাৰ বৰষুণ,

বৰষুণ সৰিছে ,
সৰিছে সৰিছে ,
গছ বনেও উলাহত হালিছে,
শালিকি কেইটাই ঠেং দাঙি নাচিছে,

মুঠতে
বৰষুণ এজাক আহিছে ,
সকলোকে ব্যস্ত কৰি তুলিছে...

এইফালে মইয়ো ব্যস্ত বৰষুণৰ ৰেহ ৰূপ চোৱাত,
বৰষুণৰ প্ৰেমিক বোৰ আনন্দত আত্মহাৰা হোৱাত,

মইয়ো যে বিৰাট সুখ পাওঁ...

আছলতে
কোনেওটো নাজানে ,
বৰষুণ আহিলে কিমান সকাহ মইয়ো পাওঁ,

হি হি
কোনেও যে নাজানে ...
বৰষুণৰ বতৰত  হিয়া ধাকুৰি কান্দিলেও
কোনেও যে নেদেখে,
কোনেও যে নুশুনে ...

বৰষুণ সেইয়ে তোক মইয়ো বৰ ভাল পাওঁ...

আহ বৰষুণ আহ...

হাতী কাণ ঘোঁৰা কাণ
জোৰ জোৰকৈ বৰষুণ আন...

দুৰৈত সেইয়া নিষ্পাপ শিশু কেইটাইয়ো বৰষুণক নিমন্ত্ৰণ জনাইছে...

সৰিছে সৰিছে...
সেইয়া
বৰষুণ সঁচাকৈয়ে  সৰিছে ...!!

--প্ৰাণজিৎ বৰুৱা
২৮/এপ্ৰিল/২০১৪