আজি
আজি দিনটো ভালকৈ নগ'ল ,
আজি তোমাক এবাৰো জোকোৱা নহ'ল ।
আজি কথা এটা হ'ল,
তোমাক কথা দিওঁ কথাটো ৰখা নহ'ল ।
আজি আমি এপাক ওলাই যোৱাৰ কথা আছিল ,
সন্ধিয়াটো দুহাতত হাত থৈ কটোৱাৰ কথা আছিল ।
আজি বেলিৰ পোহৰ নোলাই বুলি পুৱাই গম পাই,
দুয়ো দুপৰীয়া বৰষুণত একেলগে
তিতাৰ কথা আছিল ।
আজি দুয়ো কফি একাপ খাই খাই কথাৰ নদী এখনি বোৱাই দিয়াৰ কথাইটো আছিল ।
পিছে নহল ,
আজিৰ দিনটো ভালকৈ নগ'ল ।
''আজি'টো মোৰ বাবে আজি
এক নিৰ্বাচনী মেনু ফেষ্টুৰ
দৰেহে হৈ গল ।
অলেখ পৰিকল্পনা কৰিও অৱশেষত
সেইবোৰ পূৰ্ণ কৰিব পৰা নহ'ল ।
প্ৰাণজিৎ বৰুৱা
No comments :
Post a Comment