দেতা

দেতা

হিৰ' দেখিছে ? দেখা নাই কেতিয়াও ,
দেতাৰ মুখলৈ চাওক ,
দেতা বোৰ হিৰ' হয় ,
খামী ডাঠ বুকু , গম্ভীৰ চকু , ধীৰ স্থিৰ খোজ ...
দেখিছে নে !
দেতা বোৰ হিৰ' হয় ,
দেতাবোৰ প্ৰেমিক হয় ।
মাৰ প্ৰতি মৰম বিদ্যা শপত কোনো আশিকতকৈ কম নহয় ।

দেতা বোৰ হিৰ' হয় ।
দেতা বোৰৰ জীয়েক বোৰ  আলাসৰ লাড়ু হয় আৰু আমি দুষ্ট লৰাবোৰ পিটন খোৱা গৰু হয় । হা হা ধেমালি কৰিছো । দেতা বোৰ হিৰ' হয় ।

আপোনাৰ দেতাই হাঁহে কম ।
অথচ আপোনাৰ সুখত আটাইতকৈ সুখী মানুহজন ।
আপোনাৰ দেতাই কান্দে কম ।
কিন্তু আপোনাৰ চকুলো মচে আজীৱন ।
দেতা বোৰ হিৰ' হয়, নহয়নেকি ।

এক কথাত ফাইটাৰ । আপুনি সহিব নোৱাৰা বেদনা তেওঁ অকলেই  যুজি আহিল ,
চেনি নিমখৰ পৰা আপোনাৰ ৰূমৰ জোখ সকলো বোৰনিজেই চম্ভালি আহিল ।

অথচ  আপুনি দেৱতা দেখা নাই বুলি কলে কেনেকৈ মানিম হে ।
চাওক এবাৰ সেই বলিৰেখা পৰিও মোলান নপৰা মুখ । পাব পাব মন্দিৰত নহয়, তেওঁৰ স্পৰ্শত  দেৱতা প্ৰাপ্তিৰ অনাবিল সুখ ।

মনত পেলাওক বুকুত সোমোৱাই পিঠিত হাত ফুৰাই দিয়াৰ ক্ষণ ।
নভৰে নে মন ।
দেতাবোৰ হিৰতকৈ কেনেকৈ বাৰু কম ?

নামানো কোনো যুক্তি ,
মোৰ ,আমাৰ সকলোৰে বাবে ,
জীৱনৰ এজনেই
নিৰ্ভৰশীল বিশ্বাস যোগ্য মানুহ হয়...,
যি জনে দিয়ে প্ৰতি খোজতে অভয়
ধীৰ স্থিৰ গতিৰে যি বাট লয় ,
সেই দেতা সঁচাকৈয়ে বীৰ হয় ।

দেতা বোৰ হিৰ' হয়...

প্ৰাণজিৎ বৰুৱা
১৬-১-১৮