কথা নাছিল...
আপোনাক ভালপোৱাৰটো কথা নাছিল...
এদিন দেখিলো আপোনাক ,
হঠাতে বৈ গল মলয়া এজাক,
চাওঁকচোন কেনেকৈযে
ভাল পাই পেলালো
আপোনাক ...!
নভবাকৈ ,
কথাটো নাছিল...
আপোনাৰ সতে কথা হোৱাৰ,
অপলক আপোনাকেই চোৱাৰ,
কেনেকৈ যে গোটালো 839...
দট দট
আপোনাৰ ফোন নাম্বাৰ,
আৰু আৰম্ভণি হল আমাৰ
উমাল কথাবোৰ ,
এজনে আনজনক কেতিয়াও পাহৰি নোযোৱাৰ শপত খোৱাৰ...!
কথাটো নাছিল...
নাছিলটো কথা
কোনোবা এদিনাও আপোনাক মনত পেলাই বিৰহৰ কবিতা লিখাৰ,
দুপৰ নিশালৈকে আপোনাৰ কথা ভাবি উজাগৰে থকাৰ,
দিঠকৰ পৰা আতৰি আপুনি মাথোঁ
শেষ নিশাৰ সপোনতহে অহাৰ কেতিয়াওটো কথাই নাছিল...!
আছিল জানো কথা,
আপোনাৰ বাবেই গল্ড ফ্লেকত মই চুমুক দিয়াৰ ?
দুপৰ নিশালৈকে আপোনাৰ মাততেই মাতাল হোৱা
মইটোৱে কেতিয়াবা
যে গল্ড ৰিবন আই বিৰ
নিচাত নিচাগ্ৰস্ত
হোৱাৰ কথাটো নাছিল...!
নাছিল ...!
এটা সুন্দৰ জীৱনত
হুমুনিয়াহ, বিষাদ ইত্যাদি
মই বেয়া পোৱা শব্দবোৰ কঢ়িয়াই ফুৰাৰ কেতিয়াও মোৰ হেঁপাহ নাছিল...
আছলতে কথা নাছিল আমিবোৰে কাৰোবাক লৈ সপোন দেখাৰ...
কিন্তু দেখিলো !
কথা নাছিল
কাৰোবাক নিজতকৈও বেছি বিশ্বাসত লোৱাৰ,
কিন্ত্ত কৰিলোঁ...
হয়তো ভুলো
মোৰ তাতেই হল,
কথা নথকাৰ স্বতেও যিহেতু
মই আপোনাৰ প্ৰেমত পৰিয়েই গলোঁ...!
চকুলোৰ সাগৰ বোৱাই হলেও,
দুখৰ হুমুনিয়াহ কাঢ়ি হলেও,
প্ৰেম নামৰ শব্দটোৰ প্ৰতি আনুগত্য প্ৰকাশ কৰিয়েই
সেইয়ে চাগৈ
আপোনাক এবাৰ ভাল পাই চালোঁ...!
ক্ৰমশঃ ...
আছলতে
প্ৰেম ,প্ৰতাৰণা আৰু বিচ্ছেদ তিনিওটাই যে
সহোদৰ বুলি মই
আগেয়ে জনাই নাছিলো ...!
--প্ৰাণজিৎ বৰুৱা
১৫/১০/১৪
No comments :
Post a Comment