ঈশ্বৰৰ সন্ধানত ...
চকু দুটা মুদি দিলোঁ ,
ক'লা হৈ পৰিল সকলো ...
এতিয়া অলপ শান্তি বিচাৰি
ঈশ্বৰৰ সন্ধানত গ'লো ...
প্ৰথমে আহিল
সদায়েই দেখি থকা চিনাকি ঈশ্বৰ জনেই,
পুৱাৰ পৰা শোৱালৈ যাৰে আৰাধনা কৰোঁ ,
সেইজনেই
তেওঁ আহি সুধিলে কি লাগে তোমাক ?
মই মোক লগা বস্তুবোৰৰ তালিকাখন মনত আওৰাই খুজিবলৈ ধৰিলো ,
এফালৰ পৰা ,
যেন বজাৰৰ লিষ্ট এখনহে ...!!
তেওঁ একো নকলে ,
তথাপি মই যেন শুনা পালোঁ তথাস্তু !!
লাহে লাহে দিন বোৰ গল ,
বিচৰা কিছুমান পালো ,
কিছুমান নাপালো ,
নোপোৱা বোৰ পাহৰি পেলাই পোৱা বোৰৰ বাবে ভগৱানক বহুত ধন্যবাদ দিলো !
পিছে
আকৌ নতুন নতুন একো একোখন লিষ্ট উলিয়াই
কিবা কিবি বোৰ যে খুজিয়েই থাকিলো ...!!
ক্ৰমশঃ
নাজানো মোৰ কাম বোৰ কোনে কৰি দিয়ে ,
ঈশ্বৰে নে বেলেগে ,
ধৰিব নোৱাৰিলো ,
কিন্তু ঈশ্বৰৰ সন্ধানত গৈ
ঈশ্বৰ প্ৰাপ্তিৰ এডাল সাঁকো ঠিকেই পালো ,
যাৰ নাম মই
"বিশ্বাস" ৰাখিলো !!
--প্ৰাণজিৎ বৰুৱা
৩০ এপ্ৰিল ২০১৫
No comments :
Post a Comment