জিঞা খেদা সময়বোৰ ঘূৰাই লাগে ।
জিঞা খেদা সময়বোৰ ঘূৰাই লাগে ...
নেমু ৰ তলৰ কেচু বোৰে ৰিঙিয়াই মাতে ...
"অ'ই কিতাপ বহী বোৰ তেনেকৈ দলিয়াই কত যাৱ অ' !কিবা এটা খাই যা ।"
,মাৰ সেই কথাকেইটা বাজি উঠে ।
এতিয়াৰ দিজিটেল শব্দতকৈ
বেছ ভালেই লাগে মা -দেতাৰ সেই শাসনৰ গালিবোৰ ...!!
কুঁৱাৰ তলত ৰচীৰে দুবাই ৰাখি খোৱা সেই ঠাণ্ডা পানীখিনিও
এতিয়াৰ ফ্ৰীজৰ পেপছি ফান্টাতকৈ ভাল লাগে ...
ভাল লাগে;
এঘন্টা চাইকেল মাৰি আহি টুপ টুপ ঘামবোৰ বিচনীৰ বা লাগি শিল চেঁচা মাদকতা পোৱা ক্ষণটি ।
ভাল লাগে ;
লেমৰ ঢিপ ঢিপ পোহৰত আওৰোৱা বাৰং বাৰং এশ চৌৰাল্লিছ
আৰু বাৰং তেৰংবুলি ..
টেবুলত মোৰ লাগি যোৱা সেই চিলমিলিয়া টোপনিৰ পলটি !!
দেওবাৰৰ শক্তিমান;
টিংকল, সফুৰা ,মৌচাকৰ আকৰ্ষণ
পৰী আৰু ৰাক্ষসৰ সাধুবোৰে
এতিয়াও আমনি কৰে বিৰাট বুজিছে ?
আবেলি পথাৰৰ চুৱা চুই ,
চোৰ -পুলিছ, 'ফুট কলা দুয়ো ৰঙ ;
ৰঙ এটি বিচৰা ...?
আস, কি ক'ম !!
সেই ৰঙবোৰ সঁচায়ে বিচাৰো এতিয়া ...
বিচাৰো ,
সন্ধিয়াৰ ধূপ ধুনাৰ সুগন্ধিত গোৱা মুক্তিত নিষ্পৃহ যিটোৰ শান্তিবোৰ ...!
দিয়া ,
ঘূৰাই দিয়া মোক সেই সময় বোৰ ..
দিয়া মোক জিঞা খেদা সময়বোৰ ..
বিনিময়ত ,
লাগে যদি লৈ যোৱা মোৰ সমস্ত বৰ্তমান ...!!!
(c) প্ৰাণজিৎ বৰুৱা
উত্তৰ লখিমপুৰ
ফোন ৯৭০৬১২৯৩৬৯
২৭ মে ২০১৩
অতি সুন্দৰ কবিতা ।
ReplyDeleteবহুত বহুত ধন্যবাদ পৰাগ দা ।
Delete