বিজ্ঞাপন

বিজ্ঞাপন

আজি ২ চ'ত ২০১৫,
সময় ৭ বাজি ২৫ মিনিট সন্ধিয়া

এটা বিজ্ঞাপন দিব খুজিছোঁ,
হয়তো নিজে নিজেই গুচি আহিব খুজিছে সমস্ত ভাৱনা বোৰ,
ৰূপ লব খুজিছে এটা বিজ্ঞাপনৰ ;
উদঙাই দিব খুজিছে সমস্ত খবৰ মনৰ !

বিজ্ঞাপনৰ বিষয় নাৰী
কব পাৰে ,
বা
নাম দিব পাৰে
এজনী প্ৰেয়সীৰ সন্ধান বিচাৰি ।

মোৰ বয়স একুৰি চাৰি গচকো গচকো,
পেচা শিক্ষক ছাত্ৰ দুয়োটা ,
নিচা বৰ্তমান বেছিকৈ ফেচবুক, ফটোগ্ৰাফী ,
মাজে মাজে ছবি অঁকা, আৰু দুই এটা কবিতা লিখা ।
গান শুনি ভাল পাওঁ ,
হিন্দী আৰু অসমীয়া ভাল চিনেমা চাওঁ,
কমেদি প্ৰগ্ৰাম আৰু ক্ৰিকেট খেলা চাই অলপ বেছি ভাল পাওঁ ।
ভালকৈ বনালে বা ভাল বস্তু পালে খাই অলপ ভাল পাওঁ,
মদ নাখাওঁ , চিগাৰেট নাখাওঁ ,
মাজে মাজে পাচ পাচ , মিঠা পান আৰু তামোল এখন দুখন খাওঁ ।
হব মোৰ বিষয়ে থাকক ইমানেই
পিছত জানিব বাকী বোৰ  ।

এতিয়া আহো বিজ্ঞাপনলৈ,
মানে
মোৰ সাম্ভাব্য প্ৰেয়সীৰ কাষলৈ,
কেনে হব লাগিব আপুনি ?
ধুনীয়া ??
নিশ্চয় আপুনি অলপ ধুনীয়া হবই লাগিব মোৰ দৃষ্টিত,
ধুনীয়াৰ কোনো সংজ্ঞা নাই মোৰ ওচৰত,
সম্ভৱ মোৰ ভাল লগাটোৱেই মোৰ বাবে  ধুনীয়াৰ সংজ্ঞা হৈ পৰিব ।

আপোনাৰ কথা শুনি মই ৰৈ যাম,
অনৰ্গল কিবা কিবি কথা পাতি যাম,
কথা পাতি পাতি এখন বেলেগ পৃথিবী গৈ পাম ,
দুয়ো আটকধুনীয়াকৈ তাক সজাম,
আপোনাক জোকাম , অভিমান তোলাম আৰু
শেষত মই ৰব নোৱাৰিম আৰু
মৰমেৰে আলফুলে আপোনাৰ অভিমানক দুৰলৈ আতৰাই পঠাম।

মোৰ প্ৰতিটো সম্বোধনত আপুনি নতুন হৈ পৰিব বাৰে বাৰে,
আপোনাৰ প্ৰতিটো আব্দাৰ শুনিবলৈকে ৰম নিশা দুপৰলৈকে সাৰে ।

বুজিছে বহুতো কথাই কবলৈ আছে,
বহুতো মৰম দিবলৈকেই আছে,
অপেক্ষাৰ বান্ধ এই চিগো চিগো,
মনটো যেন বান্ধি ৰাখিব নোৱাৰা হৈছো ।

আহকচোন আগবাঢ়ি
আছে যদি কোনোবা
এই বিজ্ঞাপনৰ প্ৰতি  আগ্ৰহী প্ৰাৰ্থী,

কথা দিলো চকুলোৰ নদী ববলৈ নিদিওঁ,
ভালপোৱাৰ বদনাম হবলৈ নিদিওঁ ,
কোনো দিন আতৰি নোযোৱাৰ আশ্বাস
আৰু আপোনাৰ সুখে দুখে সাহস হোৱাৰ বিশ্ৱাসেৰে
এই
সম্পৰ্ক গঢ়াৰ প্ৰতিশ্ৰুতিৰে
আপোনাক আদৰিছো,

মোৰ সৰু পৃথিৱীখনলৈ ,
যদিহে আপুনি সাজো আছে আপোনাৰ সঁচা হৃদয় খন মোক দিবলৈ ,
মোক আকোৱালী লবলৈ ,
আপোনাৰ মান অভিমানৰ ভাগ দিবলৈ
তেন্তে
পলম নকৰি যোগা যোগ কৰক ,

ঠিকনাত
আপোনাৰ হৃদয় প্ৰত্যাশী
প্ৰাণজিৎ
অথবা মৰমৰ পি বি
ফোন ৯৭০৬১২৯৩৬৯ 

বিশেষ দ্ৰষ্টব্য :আপোনাক সুখী কৰিবলৈ চেষ্টাৰ ত্ৰুটি নকৰোঁ ,
আৰু
বহুতেই কৰাৰ দৰে ভালপোৱাক খেলৰ দৰে ব্যৱহাৰ নকৰোঁ ।
আপুনিও নকৰিলে ভাল পাম ... !!