লিমাৰিক
(১)
ঘৰত গৃহমন্ত্ৰী নথকা কেইদিনমান গিৰিহঁত মহাৰজা,
নিজ ইচ্ছাত সকলো কৰিবলৈ পালে পাই যে বৰ মজা,
অনবৰতে টিভি চোৱা,
ৰাতিপুৱা দেৰিলৈ শোৱা ,
কি সোৱাদ বন্ধু্ৰ সতে খোৱা আদ্দাত সেই বটল উইথ বাদাম ভজা ।
(২)
মেট্ৰিক পাছ কৰি পালে সি আনন্দৰাম বৰুৱা বটা,
বটাতোত আছিল মান পত্ৰ এখন আৰু লেপটপ এটা,
মনত তাৰ বিৰাট ৰঙ,
লেপিত শুনি নানা চং,
পিছে এইচ. এচ. ৰিজাল্টহে বেয়াহল তাৰ লাগি এই লেপটপৰ নতা ।
(৩)
আমি আজি আপোনালোকক দেখুৱাম এনে এক খবৰ,
মানি লব আমাৰ চেনেলেই যে সদায় কিয় এক নম্বৰ ,
হয় চাওক এই ভিজুৱেল,
নহয় নিউজ ই কেজুৱেল,
বিগ ব্ৰেকিং পুনৰ মহানগৰীৰ বানত ডুবিল অনিল আৰু নবীন নগৰ ।
--প্ৰাণজিৎ বৰুৱা
৪/৬/২০১৫
No comments :
Post a Comment