ভালপোৱাৰ সাধু এটি ...

ভালপোৱাৰ সাধু এটি  ...

এদিন
ল'ৰা এটা
এজনী ছোৱালীৰ প্ৰেমত   পৰিছিল ,

সাধাৰণতে যি হয় ,
ল'ৰাটোৰো তেনেকুৱাই হৈছিল !

সাধাৰণতে কি হয় ,

ল'ৰাটোৰ টোপনি খতি ,

হৈছিল !

সাধাৰণতে কি হয় ,

ল'ৰাটোৰ দাপোন প্ৰীতি ,

হৈছিল !

সাধাৰণতে কি হয়

পঢ়া শুনা মানসিক ক্ষতি !

হৈছিল একেবাৰেই হৈছিল ...

ল'ৰাটোৰ
সকলোৰে হোৱাৰ দৰেই হৈছিল...

সাধাৰণতে হোৱাৰ দৰে ,

ছোৱালীজনীৰ প্ৰতি তাৰ দুৰ্বলতা বেছি
ক্ৰমান্বয়ে আৰু বেছি হৈ পৰিছিল ...

সাধাৰণতে হোৱাৰ দৰেই ,

ছোৱালীজনীৰ বাবেই ল'ৰাটোৱেও কিবা এটা কৰিবলৈ প্ৰতিজ্ঞা বদ্ধ হৈ পৰিছিল ,

কিবা এটা হোৱাৰ ,
কিবা এটা কৰাৰ ইচ্ছাত
সি উঠি পৰি লাগিছিল ...

কিন্তু এনে সময়তে
সাধাৰণতে কি হয়

ছোৱালীজনীৰ ঘৰত বিয়া ঠিক হয়,

হৈছিল ,

সেই ল'ৰাটোতকৈ অন্য কোনো এজন উপযুক্ত  প্ৰাৰ্থীৰ আগমন  ঘটে ,

ঘটিছিল ...

আৰু  এনে সময়ত কি হয়,

কিছুমান সংলাপৰ সৃষ্টি হয় ,
"প্ৰেম মানে বিবাহ নহয় ,"
"তুমি মোতকৈ ভাল এজনী পাবাই ,
মোক ক্ষমা কৰি দিবা ,"
"মই থাকিলে তোমাৰ মোলৈ মনত পৰিব সেয়ে মই আঁতৰি আহিলো বেয়া নাপাবা ..."

হা হা হয়
হৈছিল হৈছিল,
ছোৱালীজনীয়েই এলাহ নকৰি এনদৰেই  সকলো সংলাপেই  কৈছিল ...

আৰু তেনেকুৱা সময়ত
আৰু কি কি হয় ,
ল'ৰাটোৰ হৃদয় ভাঙে ,
সকলো পাহৰি পেলোৱাৰ চেষ্টা কৰিয়েই
নতুন নতুন নিচা বিচাৰে ,
মৰিম মৰিম লাগে কিন্তু  মৰিব নোৱাৰে ,
মাক দেউতাকলৈ মনত পৰে ...

হৈছিল
একেবাৰেই হৈছিল ,
আৰু
সাধাৰণতে কৰাৰ দৰে
এই ল'ৰাটোৱেও কিন্তু আকৌ এবাৰ
সকলোকে সতৰ্ক কৰি কৈছিল

সকলো কৰিবি  অ' বন্ধু ,
পিছে  প্ৰেম নকৰিবি ,
নকৰিবি কেতিয়াও ভাই ,

কিন্তু ?
এই কথাবোৰ ঠগ নোখোৱাকৈ জানো কোনোবাই
বুজি পাই  ?

এই দৰে সকলো বোৰ  কোৱাৰ
পিছতো ,
কথাবোৰ এনেকুৱা হোৱাৰ পিছতো

আকৌ সেই একেই কাহিনী ...

সাধাৰণতে হোৱাৰ দৰেই ,
কথাবোৰ এনেকৈ পুনৰাবৃত্তি
নোহোৱাৰ
আশা এটা বুকুত বান্ধিয়েই

আকৌ এদিন
ল'ৰা এটা ছোৱালী এজনীৰ প্ৰেমত পৰিয়েই গৈছিল
!!!

--প্ৰাণজিৎ বৰুৱা
২৪ নৱেম্বৰ ২০১৫