ডাঙৰ ডাঙৰ চাকৰিয়াল সকল
আপোনালোক শত্ৰু আমাৰ...
পৃথিৱীৰ মধ্যবিত্ত পৰিয়ালৰ মানুহৰ বাবে,
শ্ৰমিক সকলৰ বাবে ,
আৰু ব্যৰ্থ প্ৰেমিক বিলাকৰ বাবে আপোনালোকেই শত্ৰু ...
আপোনালোকৰ বাবেই
হৃদয় এখন বন্ধকত ৰাখি কিছুমানে জীৱনটোৱে বিক্ৰী কৰি দিয়ে হুমুনিয়াহ এৰি,
আপোনালোকৰ বাবেই মৰহি পৰে কলি মেলিব খোজা কিছু যুৰীয়া সপোনৰ ...
বহুতো প্ৰতিভাৰ সমাপ্তি হয় ,
ৰূপ পৰিৱৰ্তন হয় হৈ পৰে বহুতো চঞ্চলা মন মাতালৰ...
ডাঙৰ ডাঙৰ চাকৰিয়াল সকল...
আপোনালোকৰ কিছুমান আকৌ শত্ৰু সমাজৰ,
আপোনালোকৰ চহীৰ বলত উচন হৈ পৰে নৈপৰীয়া চহাৰ ঘৰ,
আপোনালোকৰ দালান নিৰ্মানৰ হেঁপাহত,
খহি পৰে মথাউৰি,
ছমাহতে ফাট মেলে ৰাইজৰ পথ পদুলি...
তথাপি আপোনালোকেই যে ডাঙৰ মানুহ
সমাজৰ !!
ডাঙৰ ডাঙৰ চাকৰিয়াল সকল,
আপোনালোকে দামীতকৈ দামী কাপোৰ পিন্ধে,
দামীতকৈ দামী গাড়ী কিনে,
দামী দামী মাছ মাংসহে খায়,
তথাপি নভৰে পেট,
নহয় অলপতে খোচ...
সেয়েহে হয়তো মৰাক চাল টানি হলেও আপোনালোকে বিচাৰে নিলাজৰ দৰে ঘোঁচ...!!
ডাঙৰ ডাঙৰ চাকৰিয়াল সকল
আপোনালোক
শিক্ষিত...
সেয়েহে চিনি নাপায় শিষ্টাচাৰ ,
দুখীয়া হলেই পাহৰি যায় কি বস্ত ব্যৱহাৰ ...
আপোনালোকৰ মতে মানুহৰ
প্ৰতি সন্মান
ইজ ইকুৱেল টু দা ৱেইট অৱ হাউ মাচ
সি হেজ মানি...
আপোনালোকৰ বিত চকুৰে যিহেতু টকাৰ বাহিৰে বেলেগ একোকেই নমনি ...!!
ডাঙৰ ডাঙৰ চাকৰিয়াল সকল
( সকলোবোৰ নহয়)
বেয়া নাপাব...
আপোনালোক আমাৰ শত্ৰু,
সমাজৰ শত্ৰু ...
পাৰে যদি মানুহ হোৱাৰ চেষ্টা কৰক,
মানুহৰ মিত্ৰ হোৱাৰ চেষ্টা কৰক,
সুবাস বিলোৱাৰ চেষ্টা কৰকচোন
সমাজত...
চাব আপোনাৰ দুহাত সুগন্ধিময় হৈ পৰিব,
আপোনাৰ মুখ উজলি উঠিব...
আপোনাৰ চৌপাশে তেতিয়া
এনেকৈ শুনা নাপাব হয়তো...
সকলোৱে কব আপোনালোক ডাঙৰ ডাঙৰ চাকৰিয়াল বোৰ,
সঁচাকৈয়ে বৰ ডাঙৰ মানুহ,
চাকৰিৰ লগতে
হৃদয়ৰ পৰাও বিশাল
গুঞ্জৰি উঠিব চৌদিশে
ডাঙৰ ডাঙৰ মানুহ বোৰ
সঁচাকৈয়ে বৰ ভাল !!!
প্ৰাণজিৎ বৰুৱা
৮ ফেব্ৰুৱাৰী ২০১৫
No comments :
Post a Comment