##এটা জীয়া সাধু মৃত্যুৰ ...##
এজনী মাকৰ দুটি
সন্তান আছিল ...
দুইটাৰে দুটা মন আছিল !
দুয়োটাই একেখন সমাজ পাইছিল ,
কিন্তু সিহঁতৰ চিন্তা
ভিন্ন আছিল ; দৃষ্টিভংগী পৃথক ।
এটাই শোষণৰ প্ৰতিবাদ কৰিবলৈ লৈছিল বন্দুক !
আৰু এজনক
প্ৰতিবাদৰ কণ্ঠ ৰুদ্ধ কৰিবলৈ তুলি দিয়া হৈছিল বন্দুক !
এদিন অকস্মাত দুয়োটাৰে লগালগি হল এখন যুদ্ধত , দুয়োটাই দুটা গুলি এৰিলে
মৃ�ত্যুৰ বাবে,
আৰু অব্যৰ্থ নিচানাত
দুয়োটাৰেই মৃত্যুও হল !
পিছদিনা পেপাৰৰ শিৰোনামাত নামাকৰণ কৰা হল...
"এটা সন্ত্ৰাসবাদীৰ নিধন হল ,
আৰু এজন আৰক্ষী শ্বহীদ হল !"
এতিয়া লাভ !
লাভ কাৰ হল ...
কি হল বাৰু ?
মাক এজনী পুত্ৰ হাৰা হোৱাৰ বাহিৰে কাৰ লাভ হল
কোনেও নাজানিলে আজিও ...!
চিন্তনীয় কথা ...
সেই পুত্ৰহাৰা,
মাতৃহাৰা ,
স্বামীহাৰা হোৱাৰ ঘটনাবোৰৰ পুনৰাবৃত্তি হৈয়ে থাকিল ...
মৃত্যুৰ এটা জীয়া সাধু হৈ,
কাৰো লাভ নোহোৱাকৈ,
আজিও এজন আৰক্ষী শ্বহীদ
আৰু
এটা উগ্ৰপন্থী মৰিয়ে থাকিল !!
--প্ৰাণজিৎ বৰুৱা
২৫ ফেব্ৰুৱাৰী ২০১৪
No comments :
Post a Comment