সংজ্ঞা (৫ টা স্তৱক )
(১)
হুমুনিয়াহ ...
সামগ্ৰিক চিন্তাৰ ক্ষন্তেকীয়া দাহ ,
বুকুৰ বিষ উঠিলে এৰি দিয়া এটি তপত নিশ্বাস ।
(২)
চকুলো ...
হুমুনিয়াহে ক'লে মই বলে নোৱাৰিলো,
তোমাৰ দুচকুৰেই সেয়ে বোৱাই দিলোঁ ।
(৩)
দুখ ...
নথকাটো নোপোৱাটো বিচাৰি হায়ৰাণ হোৱা,
এক ধৰণৰ মানসিক অসুখ ।
(৪)
সুখ ...
কমকৈ বিচৰা , বেছিকৈ আশা নকৰা ,
সীমাবদ্ধতাৰ এক সৰল জোখ ।
(৫)
জীৱন...
উঠা নমা পোৱা নোপোৱাৰে
চলি থকা এক অবিৰত সংগ্ৰামী হৃদ স্পন্দন ।
প্ৰাণজিৎ বৰুৱা
৯৭০৬১২৯৩৬৯৯
২ ডিচেম্বৰ ২০১৫
No comments :
Post a Comment