অ'ই ৰঙা লিপষ্টিক তই ব'হাগত নাহিবিছোন ,
বঢ়মথুৰিয়েই ভাল ব'হাগত !
অ'ই মেহেন্দিৰ ফুলবোৰ;
তই দুদিনমান জিৰণি লছোন ,
মোৰ সোনপাহিৰ হাতখন দুদিনৰ বাবে জেতুকাকে বন্ধকত দে !
অ'ই গাৰ্ণিয়াৰ, চানচিল্ক ,ক্লিনিক প্লাচ তহঁতিবোৰেও অলপ ফুৰি আহগৈ যা অসমৰ বাহিৰত দুদিনমান ...
টিউলিপ, ছানফ্লাৱাৰ আৰু চুলিত মৰা ধুনীয়া ৰিবন বোৰ অ' তহঁতিও দুদিনমান কৰ্মবিৰতি ল ..
দেচোন দে কপৌ, ভাটৌ ,তগৰকে অলপ ব্যস্ত হবলৈ ..
অ"ই কিবৰ্ড ,ড্ৰামচেত তহঁতিও টো ব্যস্ত সদায়
তহঁতৰো মন নাযায়নে অলপ ছুটীত যাবলৈ ...
যা তহঁত ছুটীত ,
আমাকো দে দুদিনমান ঢোল পেঁপা কুলি কেতেকীৰ মাতকে শুনিবলৈ ।
আৰু ব্ৰিটানিয়া ,বিকানেৰি ,বিস্কফাৰ্ম তহঁতবোৰেও আমুৱাইছ আৰু
আমাক ...!
পিয়াহত কলহৰ সাজটুপি ,
ভোকত ভজা চাউল আৰু ম'হৰ আঠা দৈ ,
আমাকো দেচোন দে তিলপিঠা ঘিলাপিঠাৰ সোৱাদ লবলৈ ...
শুনিছনে বাৰু তহঁতবোৰে ,
দুদিনমান আৰামকে কৰ,
অলপ মান ধৈৰ্য ধৰ ...
আমাকো দে দুদিনমান অসমীয়া হৈ ,
আনন্দ লবলৈ এই বিনন্দীয়া ব'হাগৰ...!!!
© প্ৰাণজিৎ বৰুৱা
RONGALI BIHUR ULOG JASILU HOKOLULOIKE...♡♥♡
No comments :
Post a Comment