তোমাৰ সতে...
তোমাৰ সতে যাব খোজো দুপৰীয়া এটাত,
তোমাৰ সতে ওলাই যাওঁ ৰাতিপুৱা এটাত,
কিবা কিবি কথাৰে পাৰ হৈ যায়
আবেলি , সন্ধিয়া , গধূলি ,
হাতত হাত ধৰি যাব খোজো ভাল লগা জীৱনৰ বাট এটাত ...
তোমাৰ সতে যত যি মান অভিমান ,
তোমাৰ সতেই এৰাব নোৱাৰা টান,
তোমাৰ সতেই দুষ্টালি বোৰ,
তোমাৰ সতেই খৰছৰ জোৰা টাপলি বোৰ,
তোমাৰ সতেই সমবেত সেই বিষাদৰ বেসুৰীয়া গান ।
তোমাৰ সতে দেওবাৰৰ আড্ডা জমি উঠে ,
তোমাৰ সতে ওঁঠত কিবা কিবি জ্বলি উঠে,
তোমাৰ সতে টেবুলত ভৰ্ত্তি হৈ পৰে
এটা দুটাকৈ নিষিদ্ধ বস্তু বোৰ,
তোমাৰ সতে সন্ধিয়া বোৰত
লাজ পাই যায়
লয়লাস খোজ দিয়া ছোৱালীবোৰ,
তোমাৰ সতে ক্লাছ বোৰত,
হেৰাই যায় কৰবাতেই
ছাৰ সকলৰ
সেই চিৰিয়াছ নোটবোৰ...
তোমাৰ সতে তোমাৰ সতে,
আওৰোৱা জীৱন সম্পৰ্কৰ লজিক বোৰ
তোমাৰ সতে তোমাৰ সতে
সমাজৰ দুৰ্নীতিৰ বিৰুদ্ধে জেহাদ ঘোষণাৰ পণ বোৰ,
তোমাৰ সতে তোমাৰ সতে
কি যে এই সম্পৰ্ক ...
বুজোৱাটো কিবা টান...
তথাপি
এই মিঠা সম্বন্ধ বন্ধুত্ব তোমাক চালাম...
মানি লবই লাগিব
তোমাৰ সতে তোমাৰ দৰেই
এনে বন্ধুত্ব পৃথিৱীৰ শ্ৰেষ্ঠতম দান...!
(বন্ধুত্ব দিৱসৰ এই মধুৰ দিনটোত মোৰ সকলো প্ৰিয় বন্ধু বান্ধৱীলৈ উৎসৰ্গা কৰিলো...)
Happy Friendship Day (y)
২ আগষ্ট ২০১৫
দেওবাৰ ।
No comments :
Post a Comment