নিউটনে ভাত খাবলৈ পাহৰিলে ....
আমি যেতিয়া বিজ্ঞানী সকলৰ কথা ক'ৰবাত আলোচনা কৰিবলৈ লওঁ
তেতিয়া সৰ্ব প্ৰথমে এজন মানুহৰ নামেই মনলৈ আহে ,তেওঁৱেই হল চাৰ আইজাক নিউটন ।
যি আছিল একেধাৰে পদাৰ্থ বিজ্ঞানী, গণিতজ্ঞ, জ্যোতিবিজ্ঞানী, প্ৰাকৃতিক দাৰ্শনিক , ৰসায়ন বিজ্ঞানী, ধৰ্মতাত্বিক আৰু সন্মানীয় ইংৰাজ ৰয়েল চচাইটিৰ সদস্য । এই নিউটন আছিল ইতিহাসৰ সবাতোকৈ প্ৰভাৱশালী ব্যক্তি সকলৰ ভিতৰত এজন অন্যতম ।
১৬৪২ চনৰ ২৫ ডিচেম্বৰ তাৰিখে ইংলেণ্ডৰ লিংকনশ্বিয়াৰ নামে ঠাইত জন্ম গ্ৰহণ কৰা এই মহান বিজ্ঞানী জনৰ মানব জাতি আৰু বিজ্ঞানৰ প্ৰতি অৱদান আছিল অতুলনীয় ।
প্ৰিন্সিপিয়া মেথেমেটিকা আছিল নিউটনৰ দ্বাৰা ৰচিত এখন বিখ্যাত গ্ৰন্থ । এই গ্ৰন্থত বল গতি বিজ্ঞানৰ সেই বিখ্যাত নিউটনৰ তিনি সূত্ৰৰ আৰু মধ্যাকৰ্ষণ শক্তিৰ কথা বাখ্যা আছে । তেখেতৰ আবিস্কাৰৰ বলতেই পৃথিৱী কেন্দ্ৰ কৰি ঘূৰা ব্ৰহ্মাণ্ডৰ ধাৰণাৰ ইতি পৰে । এই নিউটনেই প্ৰথমে ব্যবহাৰিক প্ৰতিফলন দূৰবীণ সাজি উলিয়ায় । পোহৰ বৰ্ণালীৰ ধাৰণাতো তেখেতৰ বৰঙণি আছিল উল্লেখযোগ্য । শীতলী ভবনৰ সূত্ৰ তেখেতৰেই সৃষ্টি । শব্দৰ গতি সম্বন্ধেও তেখেতে যথেষ্ট তথ্য আগবঢ়াইছে। আৰু কলন গণিত (Calculus) ৰ ক্ষেত্ৰতো তেখেতৰ বৰঙণি আছিল অনবদ্য।
ইমানবোৰ বিখ্যাত সৃষ্টিৰ আঁৰৰ এই মানুহজনৰ ব্যক্তিগত জীৱন আৰু কৰ্মক্ষেত্ৰত কিন্তু প্ৰায়েই কেতবোৰ আমোদজনক আৰু অনাকাংক্ষিত ঘটনা ঘটি থাকিছিল । নিউটন নিজৰ কাম বোৰৰ প্ৰতি আছিল ভীষণ মনোযোগী । । তেওঁ গৱেষণাৰ কাম বোৰ কৰি থাকোঁতে বাকী সকলো কথা পাহৰি নিজৰ পৃথিৱীত আপোন ভোলা হৈ ৰৈছিল ।
এদিনাখনৰ ঘটনা নিউটনে উইলিয়াম ষ্টাকলে নামৰ এজন লোকক ৰাতিৰ আহাৰৰ বাবে নিমন্ত্ৰণ কৰি থৈ আহিল । তেওঁক নিমন্ত্ৰণ জনোৱাৰো এটা কাৰণ আছিল এই ষ্টাকলেই নিউটনৰ প্ৰথম জীৱনী খন লিখিছিল ।
নিমন্ত্ৰণ ৰক্ষা কৰি ষ্টাকলেই যথা সময়ত আহাৰ খাবলৈ আহিল , কিন্তু তেওঁ আহি দেখে যে নিউটনে নিজৰ পঢ়া কোঠাতে অতি মনোযোগেৰে পঢ়ি আছে । এঘন্টা মান ৰোৱাৰ পিছতো নিউটন উঠি নহা দেখি এইবাৰ ষ্টাকলেই নিউটনক আমনি নকৰি ,
একো নোকোৱাকৈয়ে নিজৰ আহাৰ নিজে খাই গুচি গ'ল ।
তাৰ বহু দেৰি পিছত নিউটন যেতিয়া আহাৰ খাবলৈ গৈ নিজে আহাৰ খোৱা টেবুলৰ ওচৰ পালেগৈ , দেখিলে যে কাৰোবাৰ আহাৰ খোৱা কাঁহী এখন টেবুলৰ ওপৰত পৰি আছে । তেতিয়া তেওঁৰ মনত চিন্তা হ'ল এইখনত কোনে খালে , অলপ পৰ ভাবি তেওঁ নিজকে নিজে ক'লে ইয়াত চাগৈ তেওঁ নিজেই ইতিমধ্যে আহাৰ খালে আৰু এইখন তেওঁৰেই খোৱা কাঁহী ।
লগে লগে তেওঁ হাঁহি মাৰি ঘৈণীয়েকক চিঞৰি চিঞৰি কলে - " দেখিছানে ইমান ব্যস্ত হৈ পৰিছো , মই যে আহাৰ খালো , পাহৰিয়েই গৈছিলোঁ !"
দেখিলেনে ?
আপোন ভোলা নিউটনে আলহীৰ কথা যে পাহৰিলেই , নিজে আহাৰ নোখোৱাৰ কথাও পাহৰিলে ।
এনেকুৱা ধৰণৰ বিভিন্ন ঘটনা নিউটনৰ লগত প্ৰায়েই ঘটিছিল ।
আপেল সৰি পৰা দেখি মধ্যাকৰ্ষণ শক্তিৰ ৰহস্য উদঘাটন কৰা বুলিও এটা জনপ্ৰিয় কাহিনী তেওঁৰ বিষয়ে বহুল ভাবে প্ৰচাৰিত হৈ আহিছে । সঁচাকৈয়ে মহান বিজ্ঞানী সকলৰ জীৱনী ৰসাল কাহিনীৰে ভৰপূৰ ।
প্ৰাণজিৎ বৰুৱা
৭০০২৯০৪১৩১
No comments :
Post a Comment