ৰাতিৰ আন্ধাৰত
কাণত সেইয়া বাজিছে
কাৰোবাৰ বাঁহী ,
দূৰৈত লচ পচীয়া কনেংৰ হাঁহি,
নৈপৰীয়া বা এচাটি লাগে গাত আহি,
সোৱণশিৰিৰ ৰূপালী মাছ,
ডেকা গাভৰুৰ মিবু গালুগ
ৰিঃবি গাছেং সাজ,
পঃৰ আপুংৰ মিঠা সুবাস ,
চাংঘৰত জ্বলিছে জুই,
পুৰা গাহৰিৰ সোৱাদত পৰিছে
সৰসৰাই লোভৰ পানী,
দুৰৈত সেয়া ঐনিতমৰ
মৌ মিঠা সুৰ শুনি,
পলাশ ৰঙী হৃদয় বোৰো গৈছে যে
বাৰুকৈয়ে চুই !
বতাহত এইয়া কিহৰ গোন্ধ ,
ফাগুনৰ ,
পলাশৰ ,
ৰঙা মদাৰৰ ,
ওহো
এইয়া
সুবাস মৰমৰ ,
চেনেহৰ ,
চহা কৃষকৰ
এইয়াই যে
সুবাস হেঁপাহী লিগাংৰ ... !!
(আলিঃ আয়ে লৃগাঙ উৎসৱৰ ওলগ সকলোলৈকে আগতীয়াকৈ জনালোঁ ...!!)
--প্ৰাণজিৎ বৰুৱা
১৭ /২/২০১৫�
No comments :
Post a Comment