মোক এটা ৰাতি দিয়া...
শুব পৰাকৈ এটা ৰাতি দিয়া,
টোপনি যাব পৰা,
সপোন দেখিব পৰা,
য'ত নাথাকে হেৰুৱাৰ ভয়,
নাথাকে এনে কিছুমান কথা নহয় যি ছন্দময়,
এনেকুৱা এটা সময়,
চকুত চকুপানী নবয়,
এটা ৰাতি,
যি মোৰ বাবে হাতীটো নহয়...
ৰাতিটোত মাথোঁ বাজি ৰব
"মে টেনু চমজাৱা কি
না টেৰা বিনা লগদা জী... !"
অথচ
যি ৰাতিটোৱেও বুজিব কাৰোবাৰ
অপেক্ষাৰ কি দুঃ স্মৃতি ,
সকলো জানিও
মোক পাহৰাই দিব,
মোক কেঁচুৱাৰ দৰে শুবলৈ দিব,
দিয়া দিয়া ,
শুব পৰা , টোপনি যাব পৰা, সপোন দেখিব পৰা,
বহুতৰেই ইৰ্ষা হোৱাকৈ
মোক এটা হেঁপাহৰ ৰাতি দিয়া...!!
--প্ৰাণজিৎ বৰুৱা
১৬ জুন ২০১৫
১০.১৮ PM
No comments :
Post a Comment