আপেক্ষিক...
কলেজত গণিত পঢ়ি থাকোঁতে
এটা শব্দ পাইছিলো ইনফিনিটি বুলি ,
তাতোকৈ আগত পাইছিলো শূন্য
বুলি আন এটা শব্দ ...!
এতিয়া জীৱন নামৰ অংকটো
কৰি থাকোঁতে ,
দুয়োটাৰ কথা ভাবো ,
প্ৰায়ে ওলাই দুয়ো...
আচলতে বাস্তৱত এই দুইটাৰ অস্তিত্ব নাই,
দুয়ো মাথো এটা আপেক্ষিক ধাৰণা...
অৰ্থাৎ ইনফিনিটি মানে আপোনাৰ তুলনাত মোৰ বহুতেই বেছি,
আৰু শূন্য মানে আপোনাৰ তুলনাত মোৰ একোৱেই নাই ।
ক্ৰমশঃ
এই তুলনাৰ
আপেক্ষিকভাৱে উচ্চতম আৰু
নিম্নতম সংখ্যা দুটাক মানুহে জীৱনত
সাধাৰণতে
সুখ আৰু দুখ হিচাপে নামাকৰণ কৰে ..!
প্ৰাণজিৎ বৰুৱা
৫/৯/১৫
No comments :
Post a Comment