স্কুটি চলোৱা ছোৱালীজনীয়ে খুন্দিয়ালেও ভাল লাগে....
এই
স্কুটি চলোৱা ছোৱালীজনীয়ে কেতিয়াবা
খুন্দিয়াই পাইছে নেকি আপোনাক ...
তেতিয়া আপুনি বাৰু কি কৰে ,
বেছি দুখ পোৱাৰ ভেশচন ধৰে...
অথবা তাইৰ আগত সাহসী পুৰুষ হৈ পৰে,
নে তাইক আৰু বেছি নাৰ্ভাছ কৰে...!
আপোনাৰ কি হয় নাজানোঁ
মোৰ পিছে বৰ ভাল লাগে ,
যেতিয়াই কোনোবাই স্কুটি খনেৰে লাহেকৈ খুন্দিয়াই ,
এনে লাগে
স্কুটিত উঠি থকা গৰাকীয়ে নজনাকৈয়ে যেন অযুত নিযুত
ভাল লগাহে ছটিয়াই...
ভাল লাগে
খুন্দিয়াই লৈ কৰা সেই নাৰ্ভাছ নেচ খিনি,
ভাল লাগে
ফেঁকুৰিবলৈ ধৰা তেওঁৰ সেই মৰম লাগি যোৱা মুখখনি,
ছ'ৰি ছ'ৰি বুলি কৈ
ক'ত দুখ পালে বুলি লোৱা কেয়াৰ খিনিও
মোৰ বিৰাট ভাল লাগে...
কিয় নাজানোঁ খঙাল ছোৱালীবোৰকো
সেই সময়ত বৰ মৰমীয়াল যেন লাগে,
তেওঁৰ মেক আপ কৰা মুখত জিলিকি উঠা বিন্দু বিন্দু ঘাম বোৰ
মোৰ দেখোন কিবা মুকুতা মনি যেন লাগে ...
আস ,
ছোৱালী বোৰ কিয় জানো ইমান নিমাখিত ,
ইমান সৰল ,
ইমান ধুনীয়া হৈ পৰে সেই সময়ত ...
কিয় নাজানোঁ
ধৰি ৰাখিব খোজা
সেই সময়কন যেন মোৰ বাবে বহুত ছুটি হৈ পৰে...
বাৰে বাৰে চাবলৈ মন যায় ,
বাৰে খুন্দা খাবলৈ মন যায়,
হা হা
সেয়ে
স্বাগতম আপোনাক ...
স্কুটি চলোৱা জনী ,
আহক আপুনি
খুন্দিয়াই থৈ যাওক মোক ,
আপোনাৰ নিষ্পাপ মুখখনিত
অহংকাৰৰ পৰিৱৰ্তে এজাক সুকোমল মৰম দেখা পোৱাৰ বাবেই
হাজাৰবাৰ
ইন্দিকেটৰ চিগনেল দিয়া ভুল হওঁক আপোনাৰ ...
কোনো কথা নাই,
এনেকৈ যে কিছুমান সুখী মুহূৰ্ত দিয়ে,
স্কুটি চলোৱা ছোৱালী জনীয়ে খুন্দিয়ালেও মোৰ
সেয়ে ভাল লাগে ...!!!
--প্ৰাণজিৎ বৰুৱা
৯/১১/২০১৫
No comments :
Post a Comment