শিশু দিৱসৰ গান
কন কন শিশু আমি ফুলনিৰ ফুল,
আমাৰ হাঁহি মাততেই ধৰণীও আমোল মোল,
সকলোৱে কয় আমি হেনো দেশৰ ভৱিষ্যত ,
সুন্দৰ পৃথিৱীৰ ছাবি যে আমাৰ দুহাতত,
আমাৰ বাবে মা দেউতাই দেখে বহুত সপোন ,
আমি যে তেওঁলোকৰ বুকুৰ আপোন ,
সঁচাকৈয়ে আমি যেন সকলোৰে নয়নৰ মনি,
ইমান বোৰ মৰম শেষেই যে নহয় গনি গনি...
আমাক ভালপোৱা মানুহৰ মাজত আছিল এজন নেহৰু খুৰা,
তেওঁৰ বাবে শিশু বোৰ যেন আকাশৰ তৰা,
তেওঁৰ বাবে আমাৰ স্থান সবাতোতকৈ আগত,
শিশুক তেওঁ দেখিছিল ভগৱানৰ ৰূপত...
ইমান মৰম ইমান আদৰ কেনেকৈ আমি সাঁচি থওঁ,
সকলোৰে শুভাশীষ বোকোচাত বান্ধি লওঁ...
আমাৰ বাবে বিশেষ এই দিনত আজি লৈছো আমি পন,
নষ্ট নকৰোঁ অবাবত আমাৰ শৈশৱৰ অমূল্য এই ক্ষণ...
আমি ভাল ভাল কামেৰে জগত জিনিম,
নানান সুনাম দেশ নিজ জাতিৰ বাবে আজুৰি আনিম ।
নেহৰু খুৰা আমি আজি তোমাক দিলো প্ৰতিশ্ৰুতি ,
জিলিকাই তুলিম আমি সঁচাকৈয়ে হৈ আলোক জ্যোতি ...
শিশু দিৱসৰ দিনা শিশু প্ৰেমী সকলোকে আমাৰ প্ৰণাম,
গাই যাওঁ আহা আমি ভাল লগা মানৱতাৰ এই জয় গান ।
প্ৰাণজিৎ বৰুৱা
৯/১১/২০১৫
No comments :
Post a Comment