কোনোবাই মোক সোধে

কোনোবাই মোক সোধে ...

কোনোবাই মোক সোধে,
তোমাৰ প্ৰেয়সী কোন,

মই কওঁ
এতিয়াও
নাইয়েই দেখোন ...

তেওঁ কয়  মিছা কিয় কোৱা ,

মই কওঁ মোৰ দুচকুত চোৱা,

তেওঁ চালে,
১ ছেকেণ্ডো বলে নোৱাৰিলে ,

মোৰ চকুৰ ইমান ধাৰ,
নে তেওঁ বিচাৰিয়েই নাপালে  একো পাৰ ...

গম পোৱা   নগ'ল,
'পিছে তেওঁ,
তেতিয়াৰ পৰা সেই কথা 
পুনৰ আৰু  নুশুধাই হ'ল...

অৱশ্যে নোকোৱাকৈ কি বুজিল ,
কি নুবুজিল  গম নাপালো ,

কিন্তু পিছ দিনাৰ পৰাই তেওঁৰ অভিমান ,
মৰম সনা চাৱনি আব্দাৰ
বোৰৰ চুক যেন বাঢ়ি গ''ল ...

হয়তো তেওঁ কিবা এটা কথাত আস্বস্ত হ'ল ,
আৰু ভাল লগা
কিবাকিবি এটাই যেন আমাক দুয়োটাকে চুই গ''ল...

পিছে এটা দোমোজাত পৰিলোঁ

কিয় জানো কব নোৱাৰো
সেই তেতিয়া  সোধাৰ দৰেই
এতিয়া যদি কোনোবাই
সোধে আকৌ
তোমাৰ প্ৰেয়সী কোন ?

মোৰেই কিবা  খোকোজা  লাগি যায়  দেখোন !!

✍প্ৰাণজিৎ বৰুৱা
১১/১/১৬