ভাল লগা মুহূৰ্ত এটাত...
নন ষ্টপ ৰোমাণ্টিক মেলডি কেইটামান শুনি শুনি কটাই দিব খোজোঁ ।
ভাল লগা মুহূৰ্ত এটাত ,
একুৰা জুইৰ কাষত কথা পাতি সাধু শুনি কটাই দিব খোজোঁ...
ভাল লগা মুহূৰ্ত এটাত,
ভাল লগা মানুহ গৰাকীৰ সতে অনৰ্গল অনৰ্থক কথা কিছুমান পাতি কটাই দিব খোজোঁ...
ভাল লগা মুহূৰ্ত এটা শেৱালী শেৱালী গোন্ধ
এটা লৈ টোপনি যাব খোজোঁ...
ভাল লগা মুহূৰ্ত এটা
ভাল লাগি যোৱাকৈ ,
গোটেই বছৰটি
মনত থাকি যোৱাকৈ
নষ্টালজিয়াৰ কোলাত ঢলি পৰাকৈ কটাই দিব খোজোঁ,
জীৱন তোমাক কিমান যাপন কৰিম ,
এবাৰ হিয়া উজাৰি উদযাপন কৰি চাব খোজোঁ ...
প্ৰাণজিৎ বৰুৱা
৭ /১২/১৫
No comments :
Post a Comment