জাত
(১)
সি ৰৈ আছিল ভালপোৱাৰ পিছত হেঁপাহেৰে তাইক বিয়া কৰোৱাৰ আশাত,
পিছে সি জনা নাছিল দুটি মনৰ মিলনৰ উপৰিও বিয়া হবলৈ যে মিলিবও লাগে জাত ।
(২)
ভকতৰ জীয়েক সাত সাগৰৰ সিপাৰৰ কোনো অজাতিলে গ'ল,
তাকে খবৰ কৰিবলৈ যাওঁতে চুৱা লাগি ভকত সমাজত এঘৰীয়া হ'ল ।
(৩)
পুতেকে মাকক সোধে সিহঁতক চুলে কেনেকৈ নো জাত যায়,
সিহঁতে খেতি কৰি নিদিলে যে আমাৰ খাবলৈকো ভাতেই নোলাই ।
(৪)
এদিন উচ্চ জাতৰ মানুহ এজনৰ পুতেকৰ দুৰ্ঘটনা এটা ঘটিল,
প্ৰয়োজনীয় সময়ত নীচ জাতিৰ মানুহ জনৰ তেজ লওঁতে পিছে তেওঁ না নকৰিল ।
(৫)
সেয়ে পিতায়ে আমাক কয়
কি আছেনো বোপাই পৈতৃক উপাধি অথবা নামত ,
মানুহৰ জাত আৰু যশ চিনি পাবি তেওঁৰ কথা আৰু কামত ।
✍প্ৰাণজিৎ বৰুৱা
৭ জুলাই ২০১৬
No comments :
Post a Comment