লিমাৰিক
(১)
আমাৰ গাঁৱৰে নিবনুৱা কনপাই দিগন্ত আৰু হেমধৰ ,
কাম বিচাৰি নাপায় কৰিবলৈ কিন্তু কথা বৰ বৰ ,
মথাউৰীৰ ঠিকা এটা পাই ,
সকলো ধন জেপত ভৰাই ,
এইবাৰ হলে ঠিকেই বনালে নিজাকৈ পকী ঘৰ ।
(২)
আমাৰ ভটৌ চুকৰ চম্পাই ললে এটা ধুনীয়া স্মাৰ্ট ফোন,
তাতে তাই ব্যস্ত থাকে দিন ৰাতি কাৰোবাক মাতি জান সোণ ,
ফেচবুক এটাও খুলিলৈ ,
ছেলফি বোৰ তুলিলৈ ,
এফ বিত এঞ্জেল চেম্পূ নামত দি তাই এতিয়া বহুতৰ
বুকুৰ আপোন ।
(৩)
কলেজীয়া দাদাৰ মুখত কেশৰীয়া কমলা আৰু বিমল ,
তাকে পকতিয়াই লৈ পাই বেটাই হেনো আনন্দ অমল ,
হবলৈ গৈ বেছি স্মাৰ্ট
এতিয়া দাদা বিচনাত
অনুতাপ কৰি আছে বোলে সোৱাদ হ'লেও সকলোবোৰ জীৱননাশী গৰল ।
(৪)
ভাত খাবলৈ মন নাই যিদিনাই হ'ল এঞ্জেল আৰু প্ৰিঞ্চেচ ,
চাওমিন ম'ম' নাপালেই ধৰে 'মম'এন্দ 'পপ'ৰ ওচৰত পেছ ,
লোভত পৰি জিভাৰ,
বেয়া কৰাই লিভাৰ,
ফেচবুকত ষ্টেটাচ দিয়ে ফিলিং চেদ এম চাফাৰিং ফ্ৰম অভাৰগেছ ।
(৫)
মিছা ক'লে কি হ'ব অসমত বান পানী এজনী সোনৰ কণী পৰা হাঁহ ,
ঠিকাদাৰ মন্ত্ৰী এম.এল.এ. সকলোৱে মাতে তই বছৰে বছৰে আহ ,
ঘৰটো হ'ব অট্টালিকা ,
পাব লাগিব মই ঠিকা ,
বালিৰ মথাউৰী বান্ধি কোটিপতি হ'ম গ'লেও যাওঁক অসমীয়া পানীত জাহ ।
************
✍প্ৰাণজিৎ বৰুৱা ।
৭০০২৯০৪১৩১
pranjitboruah91@gmail.com
প্ৰাক্তন ছাত্ৰ ।
নৰ্থ লখিমপুৰ কলেজ ।
No comments :
Post a Comment